गाजर हलवा

गाजर हलवा हा एक भारतीय खाद्यपदार्थ आहे. यासाठी गाजर आणि दूध वापरले जाते.हा एक गोड पदार्थ आहे.

गाजर हलवा
वेळ	मिनिटे

गाजर हलवा

साहित्य:-

• किसलेले गाजर: २ कप
  

• दूध: ३ कप
  

• वेलदोडा पुड: १/२ टी स्पून
  

• साखर: १/२ कप (चविनुसार)
  

• तूप: २ टेबल स्पून
  

• बारीक कापलेले काजू आणि बदाम: २ टेबल स्पून , बेदाणे: १ टेबल स्पून
  

कॄती:

• एका जाड बुडाच्या भांड्यामधे दुध गरम करायला ठेवा. अधून मधून दूध हलवत रहा. हे दुध जितके जास्त आटवता येईल तितके आटवायचे आहे.
  

• गाजर किसून घ्या.
  

• एका वाटीत दुध घेऊन त्यात काजु, बदाम, बेदाणे भिजायला ठेवा.
  

• एका भांड्यामधे तूप गरम करा. ह्या तुपात किसलेले गाजर ४-५ मिनिटे परतून घ्या.
  

• गाजर थोडे शिजल्यावर त्यात आटवलेले दूध घाला. दूध आटेपर्यंत हे गाजर शिजवा.
  

• नंतर त्यात साखर, काजू, बदाम, बेदाणे, वेलदोडा पुड घाला आणि सगळे नीट एकत्र करा व हा हलवा अजून ४-५ मिनिटे शिजवा.