आळूवडी

आळूवडी

आळूवडी
वेळ	४५ मिनिटे
काठीण्य पातळी

आळूवडी हा महाराष्ट्रीय व गुजराती थाळीतील एक रुचकर गोड पदार्थ होय.

लागणारे साहित्य :

• आळूची पाने
• बेसन
• चिंचेचे पाणी
• तिखिट
• हळद
• मीठ
• साखर
• खाद्यतेल
• पांढरे तीळ
• ओवा

कृती :

• सर्व प्रथम आळूची पाने धुऊन, पानाच्या शिरा काढून घ्याव्या.(आळूची पाने हाताळताना हातना खाज येण्याची शक्यता असते काळजी घ्यावी.)
• एका भांड्यात २ वाट्या बेसन, १ चमचा हळद, १ चमचा तिखट, १/२ कप चिंचेचे पाणी (ह्या ऐवजी लिंबाचा रस घेतला तरी चालेल), पांढरे तीळ, साखर, चवीपुरते मीठ, चिमूठभर ओवा मिश्रण एकजीव करुन घ्यावे, मिश्रणात १/२ कप पाणी घालावे.
• वरील मिश्रण हाताने पानाच्या मागे लावावे. एकावरएक अशी किमान २-३ पाने अश्याच प्रकारेकरुन गोल विडा करुन घ्यावा.
• एका पातेल्यात पाणी घ्यावे. त्यावर एक चाळणीत पातळ फडके घेऊन विडे ठेवावेत. आता एक झाकण ठेऊन साधारण (१५-२०मिनिटे) मोदकाप्रमाणे वाफवून घ्यावे.
• अलगद विडे काढून घ्यावेत, त्याचे गोल काप करुन घ्यावेत व कमी आचेवर तळून घ्यावेत.
• त्यावर कोथिंबिर, खोबर्याचा किस घालून पानात वाढावे.
• आळूवडी खाण्यास तयार आहे.